#عاجل: طالبه في ثانوي عام تنهي حيات جدتها بسبب الخروج من البيت بمحافظه الشرقيه (القصه)
بنت 16 سنه.. طالبة فى المرحلة الثانوية.. أبوها وأمها منفصلين.. أبوها اتجوز وراح يعيش حياته وأمها كمان اتجوزت وراحت تعيش حياتها.. والبنت أخدتها جدتها علشان تربيها وتعيش معاها تونسها
سنه ورا سنه البنت كبرت وجدتها بقت بتخاف عليها.. لكن فى نفس الوقت البنت شايفه إن جدتها بتتحكم فيها وكاتمه على نفسها وبقت بتكره تحكمات جدتها فيها ومش عايزاها تقولها دا غلط ودا صح باعتبار إن جدتها بقت موضه قديمه ومش عارفه الدنيا بقت ماشيه ازاى
فى يوم البنت كانت لابسه ومتشيكه وخارجه من البيت فجدتها قالتلها إيه اللبس دا.. انتى رايحه فين مش هينفع بنت فى سنك تخرج بالشكل ده وفى الوقت ده
البنت قالتلها انا هنزل وبراحتى واللبس اللى انتى شايفاه مش حلو دا هو الموضه وهو اللى كل البنات بتلبسه
الجده قالتلها برضو مش هتخرجى.. انتى خروجاتك كترت واحنا يابنتى ماحيلتناش غير سمعتنا انتى بنت مش ولد
المهم كلمه من هنا وكلمه من هناك البنت صممت تخرج.. ولما جدتها وقفت لها عالباب راحت البنت مسكت طاسة المطبخ ونزلت بيها على دماغ جدتها وخبطتها خبطه جامده ووراها خبطه أجمد وبعد الخبطه التالته كانت الجده مرميه على الأرض غرقانه فى دمها
الغريب إن البنت سابت جدتها مرميه على الأرض وبرضو خرجت وتنهيدات الجده لفتت نظر أحد الجيران اللى فتح الباب ولقاها تلفظ أنفاسها الأخيرة فحاول الإستغاثة بالجيران والماره لكن دون جدوى فقاموا بأبلاغ مركز شرطة الزقازيق وتم تحرير محضر والقبض على الحفيدة المتهمة وإحالتها للنيابة العامة التى تولت التحقيق فى الواقعة ثم أحالت النيابة العامة المتهمة «ت.ا.ال» 16 عاماً طالبة، ومقيمة بكفر الإشارة بدائرة قسم ثان الزقازيق، للمحاكمة الجنائية بمحكمة جنايات الطـ.فل بالشرقية، لإتهامها بقـ.تل المجنى عليها «عائشة . م» 66 عاما «جدتها».
وأسند أمر الإحالة للمتهمة بأن قتـ.لت المجني عليها عمداً من غير سبق إصرار أو ترصد، بأنها وعلى إثر خلاف فيما بينهما لرغبتها فى الخروج من المنزل دون حاجة،فقامت بالتـ.عدى عليها ضـ.رباً مستخدمة «إناء معدني» ثلاث ضـ.ربات استقرت برأسها،فأحدثت ما بها من إصـ.ابات والتى أودت بحياتها قاصدة من ذلك إزهـ.اق روحها
فقضت محكمة جنايات الطفل بالشرقية اليوم بمعاقبة المتهمة بالسجن 15 عاما
كتب: اسلام اسكندر
){kind=link}
0 تعليقات