بسبب الانفصال بين ابوها وامها بنت تعاني 22سنه بسبب قسوه ابوها وامها 22 سنة بلا أب… بلا أم… وبلا هوية

 

#عاجل : بسبب الانفصال بين ابوها وامها بنت تعاني 22سنه بسبب قسوه ابوها وامها
22 سنة بلا أب… بلا أم… وبلا هوية
رحمة خرجت تحكي وجع عمر كامل.
بتقول: أنا بقالي 22 سنة عايشة لوحدي، لا أعرف أب ولا أم، وبشيل ذنب ماعملتوش.
أبويا وأمي اتزوجوا عُرفي، ولما اتولدت خدوني وأنا لسه في اللفة ورموني عند المحامي اللي كتب الزواج.
المحامي ودّاني لأخته، وأخته سلمتني لناس تانية، ومن ساعتها وأنا تايهة… لا عارفة أنا مين ولا ليّ أهل فين.
اتخطبت مرتين، وفي كل مرة الموضوع يقف عند نفس الكلمة القاسية.
آخر عريس قالها بصراحة موجعة:
«مش هقدر أكمّل… أنتِ بنت حـ.رام، وأهلي رفضوا».
أبويا وأمي كل واحد فيهم عاش حياته، وأنا الوحيدة اللي دفعت التمن.
أهل الشارع هم اللي حضنوني وربّوني وسمّوني "رحمة"، وبقيت معروفة باسم بنت الشارع اللي فيه المحامي.
رحمة النهارده مش طالبة غير حق بسيط، ورق يثبت إنها موجودة.. هوية تخليها تعيش زي أي إنسانة
كتبته/اماني ناجي